Ang
Kahalagahan ng
Pag-aalaga at
Lahi ng Baboy
na Aalagaan
EOMIE G. LAQUINDANUM
VI - HIZON
Mr. dexter gonzaga
Ang Kahalagahan ng Pag-aalaga at
Lahi ng Baboy na aalagaan
Ang pagbababuyan ay napakapopular na gawain at
pagkakakitaan dito sa Pilipinas. Dumarami ang mga
nag-aalaga ng baboy sa bakuran at nangunguna sa
industriya ng pagbababuyan.
Ang mga Pilipino ay nawiwili sa pag-aalaga ng baboy
dahil sa karne nito na maaring lutuin o isahog sa iba’tibang pagkain.
Ang pag-aalaga ng baboy ay isang kapaki-pakinabang
na gawaing makakatulong sa pagtaas ng uri ng
pamumuhay ng mag-anak at pamayanan.
Mahirap pumili ng lahi ng baboy na angkop sa ating
kondisyon sapagkat ang mga ito ay lahing imported.
Narito ang mga gabay upang makatulong sa pagpili ng
lahing aalagaan depende sa layunin, gugulin at
karanasan.
LARGE WHITE
Ito ay kulay puti, may mahabang katawan ngunit
bahagyang kuba ang likod. Malapad ang mukha at
nakatayo ang mga tainga. Ito ay nakapagbibigay ng 12
hanggang 14 na biik sa isang anakan.
LANDRACE
Puti ang kulay ngunit nakalaylay ang mga tainga.
Ang inahin ay nakapagbibigay ng 10 hanggang 12 na biik
sa isang anakan. Ang pata nito ay mainam sa paggawa
ng hamon. Mahina ang mga paa nito at suliranin sa
magaspang na kondisyon.
DUROC
Ito ay kulay pula at ang mga tainga ay bahagyang
nakalaylay sa harapan. Higit na matibay sa anumang
kondisyon kaysa sa ibang lahi.
POLAND CHINA
Itim na may puting batik sa mukha, paa at buntot.
Ang mga tainga ay bahagyang nakalaylay. Ito ay may
malaking katawan at patang mahaba at malaman na
mahusay sa paggawa ng hamon.
HAMSPHIRE
Ito ay itim at may puting guhit sa paligid ng
katawan at unahang pata. Ito ay malakas at maliksi ang
kilos, karaniwang mahaba ang mga biyas ngunit kulang
sa lapad ang katawan. Ito ay nabubuhay sa anumang
kondisyon.
BERKSPHIRE
Ito ay itim na may anim na puting kulay – apat sa
mga paa, isa sa mukha at isa sa buntot. Diretso ang mga
tainga. Kilala ito sa pagiging malaman at nabubuhay sa
anumang kondisyon.
HYPHOR
Mula sa lahing EURIBRID ang inahin ay mahusay na
manganak. Mahusay ang anyo ng katawan. Malaman
ang mga likod at pata. Ang karne nito ay napakainam
na uri.
PHLIPPINE NATIVE
Pinakamainam na alagaan ay ang katutubong
baboy. Ang dapat na alagaan ng nagsisimula pa lamang
sapagkat sanay ito sa anumang kondisyon at hindi
maselan sa pagkain. Ito ay itim na may katamtamang
haba ang nguso. Ang katawan ay maikli ngunit malapad
ang hakbang.