Diskors tal-Ftuħ
Ir-Rettur, il-Professur Juanito Camilleri
FITTEX HAWN MIN HU L-VERU INT... DAK LI S'ISSA QATT M'GĦARAFT
SEEK YOUR TRUE SELF HERE... THAT WHICH HITHERTO YOU'VE NEVER
RECOGNISED
Pro-Kanċillier, Membri tal-Kunsill, membri tal-korp akkademiku, ħaddiema talUniversita`, għeżież studenti – l-għodwa t-tajba.
Din hi s-sitt darba li mess lili bħala r-Rettur biex nagħmel id-diskors tal-ftuħ ta’
sena akkademika ġdida. Irrid nistqarr li għalkemm mhux faċli tikteb diskors
għall-istess okkażjoni iktar minn darba mingħajr ma traqqad lil kulħadd blistess kantaliena, napprezza ħafna din l-opportunità ta’ kull sena biex nibni fuq
it-temi tas-snin l-oħra u b’hekk nerġa’ nwassal il-messaġġ tiegħi.
Qabelxejn, nibda billi nintroduċi ruħi mal-istudenti l-ġodda. Jisimni Juanito
Camilleri u jien ir-Rettur. Dan ifisser li fl-aħħar mill-aħħar, jien responsabbli
mit-tmexxija ta’ kuljum tal-Università mill-aspett kemm akkademiku kif ukoll
amministrattiv.
Dan l-aħħar kien hemm student li staqsieni: “Jekk tinqatagħli l-bozza kemm-il
Rettur għandi bżonn biex din tinbidel?”
(... Jaqaw tafuha tar-Rettur u l-bozza?...)
Ħeqq, ikkonfondejt daqsxejn biex inwieġbu għax naf li jekk jiġi l-uffiċċju tiegħi
biex jagħmel appuntament hemm ċans kbir – għax il-kalendarju tieghi dejjem
ser jinfaqa’ - li dan jiġi riferut għand wieħed, jew waħda mill-Pro-Retturi. Filfatt għandi mhux wieħed iżda tliet Pro-Retturi jassistuni.
Hemm il-Professur Alfred Vella li jieħu ħsieb l-Affarijiet Akkademiċi; hemm ilProfessur Richard Muscat li jieħu ħsieb il-qasam tar-Riċerka u l-Innovazzjoni; u
għandna l-Professur Mary-Anne Lauri li tieħu ħsieb l-Affarijiet Istituzzjonali u
tal-Istudenti. Iżda sewwa sewwa m’għandi ebda Pro-Rettur inkarigat biex
ibiddel il-bozoz maqtugħin... sakemm il-qtugħ ma jkunx kawża ta’ xi short
circuit verament serju.
1
Meta rani nikkonfondi biex nirrispondih, l-istudent kompla jippressani u qalli:
“allura Profs., jekk tinqatagħli l-bozza, tippretendi li għandi nibqa’ fid-dlam?”
Ir-risposta għal din tal-aħħar hi faċli: “ċertament li le, nippretendi li ebda
student tal-Università ta’ Malta m’għandu jibqa’ fid-dlam... anzi għandkom
tkunu preċiżament intom l-istudenti tagħna li tixegħlu lil dawk ta’ madwarkom
bid-dawl tat-talenti u l-kariżmi tagħkom.”
Hawn dlonk ħsibt fil-korp akkademiku tagħna li l-biċċa l-kbira tiegħu hu
dedikat, imħarreġ sa snienu, u pjuttost dispost biex jgħin fejn jista’... iżda
lanqas dan proprjament m’hu hawn biex ibiddel il-bozoz maqtugħin...
“Mela, Profs, għand min tridni mmur meta tinqatagħli l-bozza... immur għand
il-Ministru? ... Le ċertament li le.....suppost spiċċa dak iż-żmien!”
Proprju, proprju, bħala student jew gradwat ta’ din l-Università m’għandek
ikollok bżonn lil ħadd biex ibiddillek il-bozza... la lili, la l-Pro-Retturi u lanqas
lill-Professuri. Aħna lesti nagħmlu minn kollox biex ngħinukom... iżda biex
tieqfu fuq saqajkom u tagħrfu tfendu ghal raskom... u mhux biex issiru
dipendenti fuq oħrajn għal xejn b’xejn.
Lilkom, bħala l-gradwati prospettivi ta’ din l-Alma Mater, bħala l-mexxejja
futuri ta’ pajjiżna, bħala s-sisien tal-ekonomija u tas-soċjetà ta’ għada, aħna
rridu narawkom tkebbsu d-dawl tagħkom u tfittxu, bit-taħriġ u bl-għerf, li
ddawlu l-ħajja tagħkom u tal-oħrajn.
Issa jekk xi darba tinqatgħalkom il-bozza – għax fil-ħajja ma tafx x’jiġri –
tinkwetawx. Jien ċert li intom kapaċi biżżejjed biex tmiddu jdejkom u
tbiddluha minnufih. F’każ ta’ short circuit qawwi morru għand il-Pro-Rettur
Lauri, u jekk hemm bżonn verament serju, bħal meta splodiet il-power station
f’Ċipru, il-bieb tiegħi miftuħ ukoll.
Issa ejja naqilbu għas-serjetà.
F’din il-ġurnata, meta nara tant uċuħ ta’ studenti ġodda, kemm tal-Università
kif ukoll tal-Junior College, u nilmaħ l-ottimiżmu, l-eċċitament, u dik in-naqra
ansjetà li ġejtu bihom, ninsa l-problemi, il-pettegolezzi, l-ilmenti, u lkontroversji li ta’ spiss niffaċċja, u nagħmel kuraġġ għax fikom l-istudenti
nilmaħ il-futur.
Din is-sena nixtieq nerġa’ nappella lill-istudenti kollha, iżda partikolarment lil
dawk li ngħaqdu magħna llum, biex jagħrfu jieħdu l-aħjar esperjenza possibbli
mill-ħajja tagħhom fl-Università. Dawn is-snin li għandkom quddiemkom jistgħu
jkunu l-isbaħ snin ta’ ħajjitkom. Tħallux li tintilfu fil-labirint ta’ lectures,
2
tutorials u taħriġ formali; tiħdunix ħażin, l-attendenza u l-istudju tal-kurrikulu
formali huma importanti ferm, iżda mhux kollox.
Jekk jittieħed bis-serjetà, l-istudju f’livell terzjarju hu qisu mera li fiha
għandek tagħraf lilek innifsek. Hawn ma tridx titħarreġ biss fil-qasam ta’ studju
li għażilt, ma tridx tiffoka biss fuq il-credits u l-eżamijiet... hawn ser tiltaqa’
mal-limitazzjonijiet tiegħek u trid tissielet biex tegħlibhom, ser tagħraf aħjar
it-talenti tiegħek u trid tkun għaqli biżżejjed biex tużahom u tkattarhom, ser
issir aktar konxju tal-karattru tiegħek, kif għandek tikkomunika aħjar, kif
għandek tesprimi ruħek, kif għandek tirraġuna biex tikkonvinċi lill- oħrajn
b’mod intelliġenti.
U b’hekk niġi għat-tema li għażilt għal din is-sena: fittex hawn min hu l-veru
int... dak li s’issa qatt m’għaraft.
L-ewwel u qabel kollox, hawn – fil-qari u fl-istudju tiegħek - trid tfittex lilek
innifsek b’moħħ miftuħ, bla preġudizzji xekkiela, bl-aktar mod liberu. Waqt li
dejjem titgħallmu mill-passat u mill-istorja, isimgħu l-qniepen kollha, żommu
ruħkom aġġornati u informati fuq dak li qiegħed jiġri f’pajjiżna u fid-dinja, ibnu
opinjoni informata, tgħallmu aħsbu b’moħħkom, ibnu karattru sod.
Għaliex? Għaliex dan importanti għalija u għalik? Għax tassew nemmen li
intom, kull wieħed u waħda minnkom, ser tfasslu l-karattru u l-identità ta’
Malta ta’ għada: jekk Malta titqies bħala dinamika u bieżla, kreattiva u
innovattiva, dan ser jiddependi minnkom; jekk Malta titqies għaqlija u ħanina,
magħquda u miftuħa, dan ser jiddependi minnkom; jekk Malta titqies
ekonomikament soda u soċjalment stabbli, dan ukoll ser jiddependi minnkom.
Għalhekk ngħidilkom illum: dan il-pajjiż qiegħed jinvesti ħafna flus fledukazzjoni tagħkom, u għar-raġunijiet li għadni kif semmejt, fl-opinjoni tiegħi
qiegħed jagħmel sewwa. Biex il-kwalità ta’ din l-Università dejjem titjieb u lfirxa u l-fond tal-programmi ta’ studju u ta’ ricerka jkunu sostnuti, hemm
bżonn ħafna flus, hemm bżonn investiment akbar.
Dan jitfa’ fuqna lkoll responsabilità kbira. Irridu naraw li kull ewro li jintefaq
fl-Università jintefaq bil-għaqal, irridu naraw li l-investiment li jsir jissarraf –
b’mod dirett kif ukoll indirett – f’livell ta’ għajxien aħjar għall-Maltin kollha.
Toħorġux minn
din l-Università b’karattru li jfittex biss il-gwadann
individwalista, u bil-kapriċċ misħut ta’ dipendenza bla bżonn. Tajjeb li tkunu
tafu x’inhuma d-drittijiet tagħkom, iżda importanti tagħrfu wkoll li kull dritt
mirbuħ jiġi b’obbligu, kull opportunità tiġi b’responsabilità, kull għotja tiġi bilħlas ta’ xi ħadd.
Ħarsu ħarsa lejn dak li qiegħed jiġri madwarna fid-dinja – lejn it-taqlib
ekonomiku li qed iqanqal l-inkwiet soċjali u t-terrur. Min ma jinkwetax meta
3
jara dan, hu jew kiesaħ jew baħnan. Jekk hawn xi ħadd li jemmen li dak li
qiegħed jiġri fid-dinja mhux ser jeffettwa lilna u lil uliedna, mela dan għadu
ma fehem xejn. Min jaħseb li f’Malta nistgħu ngħixu f’bozza, għandu l-bozza
maqtugħa!
Għalhekk, meta nappella lill-Gvern, lill-imsieħba soċjali, lill-industrija, u lillMaltin kollha biex jinvestu ħafna aktar fl-Università ta’ Malta, nagħmel dan
b’sens ta’ responsabilità. Nagħmlu għax għalkemm qegħdin ngħixu fi sfond ta’
kriżi ekonomika globali, nemmen li l-aħjar mod li din nilqgħulha, li
nippreservaw l-ekonomija u s-sostenibilità ta’ pajjiżna, hu b’edukazzjoni
terzjarja eċċellenti, bir-riċerka, u bl-innovazzjoni.
Nemmen verament dak li għedt xi snin ilu, nemmen li din l-Alma Mater hi lomm li għamlitna lilna l-Maltin dak li aħna, u li fikom u bl-edukazzjoni terzjarja
tagħkom ser jitwieled dak li għad iseħħ minna.
Kunu studenti responsabbli u attivi. Nawgura li hawn issibu lilkom infuskom,
issibu l-milja tagħkom, issibu l-qofol tal-futur ta’ pajjiżna.
Is-sena li għaddiet, fid-diskors tal-ftuħ tas-sena akkademika, ħarist lejn x’inhu
dak li jagħmel istituzzjoni bħal din denja tat-titlu Università. Semmejt li
qegħdin naraw l-aħjar Universitajiet fid-dinja jagħmlu t-transizzjoni għal dak li
huwa msejjaħ “3rd Generation University” – Università tat-Tielet Ġenerazzjoni.
Semmejt ukoll l-importanza li waqt li l-Università ta’ Malta tkompli trawwem
it-talent, tkattar l-għerf, u tinseġ l-identità Maltija, trid tagħmel dan bħala
Università internazzjonali f’dinja globalizzata.
Ippermettuli nfakkarkom li Università tat-Tielet Ġenerazzjoni hi waħda mibnija
fuq tliet pilastri prinċipali: it-tagħlim, ir-riċerka, u l-parteċipazzjoni attiva fliżvilupp ġust u sostenibbli tas-soċjetà u tal-ekonomija globali.
Għalhekk fid-dinja tal-lum università denja tal-isem għandha taħdem fuq dawn
it-tliet fronti mhux b’lenti mijopika parrokkjali, iżda b’viżjoni u f’kuntest
globali. Bit-teknoloġija tal-lum u bil-mobilità tal-istudenti u tal-akkademiċi, li
saret parti integrali mill-ħajja tagħna, il-komunità li tindirizza u tħaddan
università mhix ristretta, għal xi post speċifiku, minn xtut, jew minn fruntieri.
Fil-każ tal-Università ta’ Malta, l-għan tagħna jrid ikun li ngħinu, l-ewwel u
qabel kollox, l-iżvilupp tal-identità, tas-soċjetà u tal-ekonomija Maltija – iżda
dan mhux f’sens insulari u magħluq – imma f’kuntest ta’ pajjiż sovran fl-Unjoni
Ewropea, li jipproġetta preżenza importanti fil-Mediterran, u li kapaċi
jikkontribwixxi anki fl-isfera tan-Nazzjonijiet Uniti kif ġa’ għamilna mill-kisba
tal-Indipendenza ’l hawn. Insemmi, bħala eżempji, il-kontribut li taw professuri
ta’ din l-Università biex tinħoloq kuxjenza fid-dinja favur il-protezzjoni talbaħar bħala wirt komuni tal-umanità, favur il-ħarsien tal-anzjani, u favur
azzjoni konkreta biex id-dinja tieħu t-tibdil fil-klima bis-serjetà.
4
Irrid nerġa’ nenfasizza li l-kontribut li għandha tagħti università bħal tagħna
m’għandux jitqies biss fuq bażi tan-numru ta’ studenti, jew tan-numru u talfirxa ta’ korsijiet ġodda. Dan importanti, iżda mhux biżżejjed. L-importanza
tal-kontribut li qiegħda tagħti din l-Università m’għandhiex titqies biss binnumru ta’ proġetti internazzjonali ta’ riċerka li nipparteċipaw fihom, jew blammont ta’ flus li jirnexxilna nġibu għal proġetti jew infrastruttura tar-riċerka.
Iva, dan ukoll importanti ħafna, iżda dan ukoll mhux biżżejjed. Fl-aħħar millaħħar din l-Università għad tiġi meqjusa fuq bażi ta’ kemm jirnexxilha tkompli
tinfluwenza t-tmexxija ta’ dan il-pajjiż fl-isferi soċjali u ekonomiċi kollha biex,
bħala membru fl-Unjoni Ewropea, Malta tibqa’ sostenibbli u sovrana, kapaċi
tikkontribwixxi b’wiċċha minn quddiem fi sfera internazzjonali, kapaċi tilqa’ lisfidi ta’ għada.
U fuq din in-nota nixtieq ngħid kelmtejn bl-Ingliż għax huwa importanti li
niftakru li għandna studenti barranin fostna, li llum nistidinkom tilqgħuhom
magħna bil-qalb kollha. Grazzi.
______________________________________________
Dear international freshers, it is my pleasure to welcome you to the University
of Malta and I thank you for patiently listening to my speech which I delivered
in Maltese in accordance with established tradition.
This said, I cannot let this occasion pass without addressing you in particular,
and I congratulate and thank you for choosing this University for your studies.
Today, you join a long line of students spanning nearly 420 years as you embark
on a journey of discovery, a journey in a foreign country, which despite its
size, has managed to gain its sovereignty, and today projects its distinct
Mediterranean identity within the European ideal.
Hitherto, this university has played a major role in unfolding the Maltese ethos,
and as your alma mater continues its gradual transformation into what is
known as a modern-day 3rd Generation University, its mission continues to
extend beyond teaching and research, and beyond our shores, to directly
support sustainable social and economic development within its expanding
sphere of influence.
I understand the challenge you face and the excitement of leaving your
homeland to pursue studies abroad. Settling down in a foreign country whilst
delving into one’s study or research programme is a challenge, but, I assure you
that you will soon cherish your stay with us.
I believe that the experience you bring with you from your respective
backgrounds and respective countries enriches the cultural and intellectual
milieu on campus. Indeed this University cannot aspire to achieve its goals
5
without the international dimension you bring, and I hope that through your
example, more and more Maltese students will choose to spend time studying
or on exchange in other universities abroad.
Please do not hesitate to seek the assistance of the International Students
Office should the need arise, and please note that Professor Mary-Anne Lauri,
the Pro-Rector in charge of Student and Institutional Affairs, and Dr. Maureen
Cole, my delegate in charge of International Student Wellbeing, are available
to assist you.
As you can see, judging by the number of cranes and workmen on campus, the
University is investing significantly in upgrading its facilities and in scaling up
its capacity. I am delighted to announce that this year our students will start to
benefit from the use of state-of-the-art facilities in our ICT Services Centre
which will be officially inaugurated presently. Work is progressing steadily on
the construction of an extension of the Faculty of Economics Management and
Accountancy and the Faculties of Laws and Theology respectively. I am looking
forward to seeing the construction of the new building to house the Faculty of
ICT picking up pace as we continue to resolve the technical and administrative
challenges that this project has brought with it.
This summer we have also started work to build two new floors on the
Biomedical Sciences building. These are intended to consolidate and expand
our wet-laboratory facilities and to create the right environment to enhance
our research programmes in genetics, biotechnology and pharmaceutical
sciences, to complement the development of the Life Sciences Park close to
our campus.
In the meantime, last year we started to install and use new state-of-the-art
equipment in a broad spectrum of disciplines ranging from materials and
physical sciences, the life sciences, engineering and ICT. These have helped us
launch research projects which hitherto have been inaccessible to us. The
enhanced and upgraded facilities which were funded through European
Regional Development Funds and Government investment are also proving
instrumental for the University to create strong research collaboration with
industry. The very fact that CNRS – the French national research council in
charge of Scientific Research – chose to set up its Mediterranean regional office
in the University of Malta testifies to the fact that not only is our work being
recognised internationally, but also, that the University of Malta’s regional role
is valorised and respected.
This year, I am also proud to announce the launch of our fourth International
Masters Programme being held at the Valletta Campus, namely the MA in
Transcultural Counselling in collaboration with the University of Maryland. I am
pleased that there are excellent prospects for more collaborative Masters
6
programmes to be launched with other US and European partners in the coming
years.
The increasing range of partnerships with world-class international
counterparts continues to enhance the prestige and standing of this University,
even if this is not always recognised locally. Given or, dare I say, despite, our
limited resources, some less than flattering episodes in our history, which most
would rather forget, and our colourful and at times tiring socio-political
context, this University continues to punch way above its weight… continues to
set ambitious targets… continues to deliver.
There is so much more I can say and announce, but, I don’t want to push your
patience… nor my luck! So without further ado, I would like to sincerely
welcome you all – academics, support staff, and local and international
students - to a productive and fruitful year.
Let us always seek to excel… and let us carry our legacy with pride!
03.10.11
7